Nú þegar daginn fer að styttast og rigningarnar dynja á rúðunni fara smalar með fiðring í maga að hugsa til fjallferða. Réttað verður í skeiðaréttum laugardaginn 14. sept. Við í Egilsstaðakoti rákum um 640 kindur og lömb á fjall og að auki eru tæp 400 frá Egilsstöðum 2 og Mjósydi á fjalli en við hjálpumst að í þessu. Þannig að það er í nógu að snúast á réttardaginn og öll hjálp vel þeginn Síðan á sunnudegium er uppáhalddagur ársins þegar við förum í gegnum féð. Þrátt fyrir að réttarpartýið sé rétt ný hætt erum við vöknuð um 8 og rekum inn og vigtum allt féð ærnar teknar frá, athugað hvort einhver óskil séu (fé frá ókunnugum) lömbin þukluð, skoðuð og ásetningur gróflegavalinn.