Mikið fjör í réttunum

Réttað var í Reykjaréttum þann 12.september síðastliðinn og tókst það ljómandi vel. Vel gekk að draga enda margir vaskir hjálparmenn í því og viljum við þakka kærlega fyrir það.

Féð var svo keyrt heim á fjórum vögnum og voru rúmlega 600 fjár keyrð heim frá Egilsstaðakoti, Egilsstöðum 2 og Mjósundi. Þeir sem keyrðu vagnana heim voru: Tómas Guðsteinsson, Reynir Bjarkason, Grétar Már Sigurðsson, Þór Guðmundsson og Einar Hermundsson.

Heimtur voru ágætar en vantar þó 25 hausa, 7 ær og 18 lömb. Er það óskandi að eitthvað af þeim muni heimtast í eftirsafninu.

Við erum búin að setja inn nýjar myndir frá réttunum inná myndasíðuna hjá okkur, linkurinn inná þær er :

http://picasaweb.google.com/thorsteinn.logi.e/Reykjarettir2009#

Við viljum minna fólk á sem ætlar að kaupa lambakjöt að panta tímanlega.