Veðrið hefur aldeilis leikið við okkur hérna í Flóanum að undanförnu og vonum við að það verði áframhald á því.

Miðvikudaginn 13.maí komu 39 krakkar og 10 starfsmenn leikskólans Krakkaborgar í heimsókn til okkar í fjárhúsin að skoða lömbin. Heimsóknin lukkaðist vel og allir krakkarnir fengu að halda á og knúsa lömbin.

Vel gengur að koma fénu út beit, enn þó eru inni þær kindur ásamt lömbum sem þarfnast frekari umönnunar. Einungis eiga 16 kindur eftir að bera og komin yfir 300 lömb í Kotinu. Annars eru hin ýmsu vorverk í fullum gangi s.s girðingavinna, flagvinna og áburðardreifing.