Undanfarnar vikur hefur staðið yfir mikil yfirhalning í Kotinu og er málingarvinnan á útihúsunum mjög langt komin. Mikil breyting hefur þá þarf af leiðandi orðið á aðkomu bæjarins.

Nýmáluðu húsin séð frá veginum

Einar og Ella skelltu sér út á HM íslenska hestsins sem fór fram í Sviss og sá Þorsteinn ásamt strákunum Sveini og Árna á meðan um kýrnar. Réttað verður í Reykjarétt á Skeiðum þann 12. september.

Við erum með 421 fjár á fjalli í ár svo það verður í nógu að snúast að finna allt féð í réttunum og flytja á vögnum heim. Hægt verður að fá að koma með okkur og hjálpa til við að draga féð í dilkinn okkar. Einnig verður hægt að fá að koma heim í Egilsstaðakot að réttum loknum og taka þátt í að smala fénu og vikta það og flokka dagana eftir réttirnar.